हरिभाऊ बागडे राज्यपाल झाल्याने फुलंब्री विधानसभेत मोठी स्पर्धा सुरु झाली आहे. भाजपने त्यांच्या ज्येष्ठ नेत्यांना निवडणूक न लढवण्याचा निर्णय घेतल्यानंतर, या निवडणुकीत नवीन चेहऱ्यांची लॉटरी लागणार आहे.
बागडे नाना आणि काळे यांची माघार
फुलंब्री विधानसभेत भाजपकडून बागडे नाना आणि काँग्रेसकडून डॉ. कल्याण काळे यांच्यात नेहमीच काट्याची टक्कर होती. मागील निवडणुकीत काळे यांनी बागडे नानांना कडवे आव्हान दिलं होतं, पण ते पराभूत झाले.
नुकत्याच झालेल्या जालना लोकसभा निवडणुकीत डॉ. कल्याण काळे हे जायंट किलर ठरले आणि माजी खासदार रावसाहेब दानवे यांचा पराभव केला. आता काळे खासदार झाल्याने त्यांचा फुलंब्री विधानसभेवरील दावा संपला आहे. बागडे नाना यांना राजस्थानच्या राज्यपाल पदाची जबाबदारी मिळाल्याने, दोन्ही दावेदार बाजूला झालेत.
हरिभाऊ बागडे राज्यपाल – इच्छुकांची संख्या वाढली
फुलंब्री मतदारसंघात आता इच्छुकांची संख्या वाढली आहे. भाजप, काँग्रेस आणि इतर पक्षातील अनेक जण आता या तिकिटासाठी सज्ज आहेत. भाजपमध्येच अनेक इच्छुक आहेत आणि अनेक जण तयारीत आहेत.
काँग्रेससह इतर पक्षही तयारीत आहेत. या मतदारसंघात बंडखोरीची शक्यता आहे. छत्रपती संभाजीनगरपासून अगदी जवळ असलेल्या या मतदारसंघात अनेकांनी आपली स्वतंत्र संपर्क कार्यालये थाटली आहेत.
कोण आहेत इच्छुक?
भाजपकडून अनुराधा चव्हाण, जिल्हाध्यक्ष सुहास शिरसाठ, विजय औताडे, राधाकिसन पठाडे, प्रदीप पाटील यांची चर्चा आहे. काँग्रेसकडून विलास औताडे, जगन्नाथ कळे, विश्वास औताडे, संदीपराव बोरसे यांची नावं आहेत. शिंदे गटाकडून किशोर बलांडे, रमेश पवार, राजेंद्र ठोंबरे, तर शरद पवार गटाकडून राजेंद्र पाथ्रीकर, अजित पवार गटाचे नितीन देशमुख यांची चर्चा आहे.
फुलंब्रीत मोठी स्पर्धा
फुलंब्री विधानसभा निवडणुकीत मोठी स्पर्धा दिसणार आहे. ज्येष्ठ नेत्यांची माघार आणि नवीन इच्छुकांची संख्या वाढल्याने ही निवडणूक अधिक रंगतदार होणार आहे. भाजपने घेतलेल्या निर्णयामुळे इच्छुकांची संख्या वाढली आहे आणि काँटे की टक्कर पाहायला मिळणार आहे.
फुलंब्री मतदारसंघात आता कोण बाजी मारेल, हे पाहणं औत्सुक्याचं ठरणार आहे. या निवडणुकीत कोणाचं नशीब उजळणार आणि कोणाच्या हातात तिकिट येणार, हे लवकरच समजेल.
वाढदिवसाआधीच मुख्यमंत्री शिंदे यांचे उद्धव ठाकरेंना मोठे गिफ्ट, नेमकं काय घडलं?
